Carreira de caracois

Dúas familias de caracois saíron na procura de algo para comer, pero as mellores leitugas están do outro lado do río e hai moita corrente.

O obxectivo do xogo é chegar primeiro á leituga correspondente, xa que un xogador terá que chegar á leituga das flores rosas e o outro á das flores laranxas. Para mover tírase o dado e colócase o caracol da cor que indique á altura do caracol da mesma cor do xogador contrario, é dicir, se o xogador 1 saca “marelo” porá o seu caracol marelo ó lado do marelo do xogador 2. Deste xeito irán avanzando ou retrocedendo ó longo do taboleiro.

Obxectivos educativos:

• Reforza a aprendizaxe das cores.
• Mellora a psicomotricidade fina.
• Iniciación ós xogos de mesa (regras comúns, respecto das quendas, asociación dado - acción).
• Xogo colectivo.