A veiga

Un día saímos de excursión e decatámonos do fermoso que era aquel lugar. Un terreo amplo e fértil ó carón do río: a veiga. Decidimos cultivar alí a nosa hortiña. Preparamos o terreo, regamos usando só a agua necesaria para que o río non secase; sementamos coidando de que non as comesen os ratos, caracois e lesmas; e logo agardamos. Un día todo floreceu, madurou e estaban listos para seren apañados. 

O xogo consiste en regar, sementar, agardar a que medren e, finalmente, apañar os produtos da horta segundo o que vaia saíndo no dado: cenouras, grelos, tomates e patacas. Mais cómpre facelo antes de que os coman os animais e sen que o río seque. Tódolos xogadores irán no mesmo equipo e terán que tomar decisións ó longo da partida sobre o uso da auga ou o momento idóneo para sementar, apañar...

Obxectivos educativos: 

• Mellora da psicomotricidade fina.
• Iniciación ós xogos de mesa (regras comúns, respecto das quendas, asociación dado - acción).
• Xogo colectivo no que todos xogan no mesmo equipo.
• Aprendizaxe da toma de decisións en grupo e a planificación das accións.