Verbolario

O xogo está baseado nun material empregado en terapias visuais para mellorar diversas cuestións relacionadas tanto coa vista como coa comprensión lectora e a concentración. Nós transformamos ese material nun xogo que traballa a apredizaxe de léxico, reforzo da lectura, percepción espacial, axilidade mental ...

Obxectivo do xogo:

• Consiste en identificar a palabra agochada no círculo que a dinámica de xogo determine. As letras están por orde pero cómpre saber por onde comeza a palabra para lela correctamente.
• Permite establecer dous niveis de xogo para que poidan participar lectores expertos e persoas que aínda están aprendendo a ler ou que poidan ter máis dificultades.

Obxectivos educativos:

• Mellora da concentración.
• Reforzo da lectura e aprendizaxe de novo vocabulario.
• Capacidade de razoamento.
• Mellora da axilidade mental e da expresión oral.
• Axuda ante posibles problemas de percepción, de integración da información e de motilidade ocular.